«Թուրքիայի ծրագրերում ոչինչ չի փոխվել և նա դրանք իրականացնում է Փաշինյանի ձեռքով». Իշխան Սաղաթելյան

ԱԺ «Հայաստան» խմբակցության պատգամավոր Իշխան Սաղաթելյանը ջահերով երթի մեկնարկին Հանրապետության հրապարակում հայտարարեց, որ հայոց ցեղասպանությունից 108 տարի անց մեր իշխանությունները ցանկանում են թշնամու առաջ բացել հայրենիքի դարպասները և մեր ժողովրդին տանել նոր ցեղասպանության: «Մեզ հեռացնում են մեր արմատներից, մեզնից փորձում են խլել մեր երազանքը, հրաժարվել հայկական հարցից, պահանջատիրությունից, մեր անցյալից, որ գողանան մեր ապագան: Մեզ բաժանում են նախկինների-նորերի, սևերի-սպիտակների, հայաստանիցների-ղարաբախցիների, տեղացիների-նորեկների, որ իրականացնեն հայ ժողովրդի վերացման հրեշավոր ծրագիրը, որովհետև Թուրքիայի ծրագրերում ոչինչ չի փոխվել: Եվ դա անում են այս շենքում նստած դավաճանի, թրքահպատակ սրիկայի մասնակցությամբ ու նրա ձեռքով»,- հայտարարեց Սաղաթելյանը: