«Առաջիկայում հանրահավաքներ տեղի չեն ունենա. գնում ենք մարզեր՝ պարզելու սակավամարդության պատճառները». Սերժ Սրապիոնյան

«Առաջիկա օրերին գնալու ենք մարզեր, տեսնենք՝ նույն տրամադրությո՞ւնն է, ինչ այստեղ՝ Երևանում, թե նրանք հուսահատ չեն և ավելի վճռական են»,- «Միասին» շարժման հանրահավաքի ժամանակ, իր ելույթում ասաց Հայաստանի Դեմոկրատական կուսակցության նախագահ Արամ Սարգսյանը:

«Առաջիկա մեր մյուս հանդիպումը շատ հնարավոր է, որ լինի մեր հաղթանակի օրվա կապակցությամբ, բայց մենք այդ մասին ևս մեկ անգամ կհայտարարենք»,-հավելեց նա:

ՀՀ Սփյուռքի նախարարի նախկին տեղակալ Սերժ Սրապիոնյան էլ նշեց, որ հանրահավաքներ առաջիկայում տեղի չեն ունենա. «Անորոշ ժամանակով հանրահավաքների խնդիրը թողնում ենք մի կողմ, որոշել ենք շատ ակտիվ աշխատել մարզերում, պարզել մեր հանրահավաքների սակավամարդության բոլոր հիմնավոր պատճառները»,- ասաց նա: