«Նիկոլն այսպես զավթեց իշխանությունը». Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան իր էջում լուսանկարներ է տարածել՝ գրելով հետևյալը. «2018-ին ես Նիկոլ Փաշինյանին դեմ եմ քվեարկել և մայիսի 1-ին, և մայիսի 8-ին։
Ի պատասխան՝ Նիկոլի «զոմբիները» մայրաքաղաքի տարբեր հատվածներում իմ և իմ ընկերների սև լենտերն էին փակցնում։
Նիկոլը այդպես զավթեց իշխանությունը՝ դագաղներով ու սև լենտերով։
Իրեն թվում էր, թե սև լենտեր փակցնելով՝ մեզ սպանել է։
Բայց ոչ, այդ սև լենտերը խորհրդանշեցին մեր երիտասարդների ապագա հազարավոր կորուստները։
Եթե Շարմազանով-42 ու Աշոտյան-42.5 գրելով մենք կարող էինք խուսափել Արամ-18, Արտակ-19 կամ Արման-20 հազարավոր սև լենտերից, ջհանդամը թե մեր սև լենտերը չէիք փակցնի։
Բայց Աշոտյան-42.5 ու Շարմազանով-42 ընդամենը սկիզբն էին ձեր մահաբեր գործերի»: