«ԱՀ նախագահի կադրերը կարծես թե որոշել են, որ արցախցուն պետություն պետք չէ». Ա. Թովմասյան

Հասարակական-քաղաքական գործիչ Արթուր Թովմասյանի գրառումը. «Մի քանի օր առաջ Արցախում ստեղծվել է նախագահին կից հակաճգնաժամային խորհուրդ, որի նախագահ է նշանակվել սորոսական Տիգրան Պետրոսյանը, ով վերջին ամիսներին աչքի է ընկնում Արցախում իր կազմակերպած հակառուսական ակցիաներով:
Եկեք մի կողմ դնենք, որ Արցախի նախագահը կրկին իր վախերից ելնելով այսպիսի նշանակում է արել, ավելորդ լարելով առանց այդ էլ բարդ իրավիճակը:
Այսօր, Տիգրան Պետրոսյանը հավաքել է իր աջակիցներին և փորձ է անում վերջնագիր ներկայացնել ռուսներին, բայց այս վերջնագիրը, այդքան էլ նման չէ մյուս արևմտամետների վերջնագրերին. այդ մարդը սպառնում է ռուսներին ասելով՝ արցախահայությունն էլ ունի արժանապատվություն և չի պատրաստվում դառնալ ռուսների համար խաղալիք, ու եթե ռուսները չբացեն միջանցքը, ապա մեր հայրենակիցները կարող են որոշել և լքել Արցախը, և կամ ստիպել ՌԴ խաղաղապահ զորամիավորմանը նրանք լքեն Արցախը: Անկեղծ ասած՝ ինձ համար սա զավեշտ է, բայց նրանց համար սորոսական առաջադրանք:
Դուք պատկերացնու՞մ եք սա ինչ ամոթալի և ստորացուցիչ է մեզ համար. վերջնագիր ներկայացնել բարեկամ երկրին, որ կլքենք հայրենիքը, եթե մեր փոխարեն չկռվի ռուս Իվանը...
Իսկ Արայիկ Հարությունյանի համար ցավում եմ, քանի որ նա այդպես էլ դասեր չքաղեց, թե ինչ է լինում, երբ սորոսականներին և/կամ նմանատիպ անձանց վստահվում է պատասխանատու պաշտոններ:
Հ.Գ. Այո՛, հենց կադրերն են որոշում ամեն ինչ և ԱՀ նախագահի կադրերը, կարծես թե որոշել են, որ արցախցուն պետություն պետք չէ»: