«Ադրբեջանում հայերը կրոնական ծեսեր կատարելու խնդիր չունեն». Ղուրբանլին խմբագրել է իր սպառնալիքները

Ադրբեջանն, իբրև թե, մեծ նշանակություն է տալիս բազմամշակութային և հանդուրժողական արժեքներին, Ադրբեջանում գործում են տարբեր կրոնական դավանանքներ, ասել է Ադրբեջանի կրոնական կազմակերպությունների հետ աշխատանքի պետական ​​կոմիտեի նախագահ Մուբարիզ Ղուրբանլին։

Ղուրբանլիի խոսքով՝ իր նախկին դատողություններն, իբրև թե, սխալ են մեկնաբանվել։

«Ադրբեջանում այսօր ազատորեն գործում են եկեղեցիներ, սինագոգներ և այլ տաճարներ։ Ադրբեջանում, ներառյալ օկուպացիայից ազատագրված տարածքներում ապրող հայերը, իրենց կրոնական ծեսերի կատարման հետ կապված խնդիրներ չկան»,- ասել է Ղուրբանլին։