Մեդվեդևը բռնության կոչ է հնչեցրել

303

Հինգշաբթի, 04 մայիսի, 2023 թ., 00:06

Ինչպես արդեն հայտնել ենք, այսօր պաշտոնական Մոսկվան հայտարարել է, որ Կիևն անօդաչու թռչող սարքերով գրոհել է Կրեմլում Վլադիմիր Պուտինի նստավայրը: Որպես ապացույց՝ ՌԴ իշխանությունները հրապարակել էին Կրեմլի վերևում պայթող ԱԹՍ-ի տեսանյութ:

Այս մեղադրանքները հերքել է Զելենսկու գրասենյակը՝ ասելով, թե Կիևն իր ներուժն օգտագործում է միայն իր տարածքն ազատագրելու համար:

Չնայած սրան, ՌԴ Անվտանգության խորհրդի նախագահի տեղակալ Դմիտրի Մեդվեդևը կոչ է արել ֆիզիկապես հեռացնել Զելենսկուն:

«Ռուսաստանին այլընտրանք չի մնացել, քան Ուկրաինայի նախագահ Վլադիմիր Զելենսկու ֆիզիկական հեռացումը, Telegram-ի իր ալիքում գրել է նա:
«Նա պետք չէ նույնիսկ անվերապահ կապիտուլյացիայի ակտի ստորագրման համար»,- ընդգծել Է Մեդվեդևը՝ հիշեցնելով, որ ֆաշիստական Գերմանիայի անվերապահ կապիտուլյացիայի մասին ակտը, որը վերջ դրեց Հայրենական Մեծ պատերազմին, ստորագրել է ոչ թե Ադոլֆ Հիտլերը, այլ ռեյխսնախագահի պաշտոնում նրա իրավահաջորդի՝ Գրոս — ծովակալ Կարլ Դենիցի ներկայացուցիչները։

Մեդվեդևը նաև կոչ է արել հեռացնել Ուկրաինայի առաջնորդի մերձավոր շրջապատը:

Աղբյուրը` Դմիտրի Մեդվեդև