Իսրայելը կրկին հարձակվել է Գազայի հատվածի վրա

Իսրայելի հրետանային զինուժը գրոհել է «Իսլամական ջիհադի» թիրախները Գազայի հատվածի հարավում գտնվող Ալ Կարարա շրջանում: Այս մասին հայտնում են պաղեստինյան լրատվամիջոցները։

«Շեհաբ» լրատվական գործակալությունը հաղորդում է, որ հրթիռը, որը, ըստ երևույթին, արձակվել է Իսրայելի պաշտպանության բանակի անօդաչու թռչող սարքից, հարվածել է մարդատար մեքենային:

Ըստ Gaza Report-ի՝ հարվածի հետևանքով սպանվել է «Իսլամական ջիհադի» 3 մարտիկ: