Ուրբաթ, 02 հոկտեմբերի, 2026 թ.
|
Ստեփանակերտում`   +13 °C

«Հոլանդիայի Ռոտերդամ նավահանգստում առգրավվել է 1 տոննա կոկաին». Վահե Դավթյան

«Հոլանդիայի Ռոտերդամ նավահանգստում առգրավվել է 1 տոննա կոկաին». Վահե Դավթյան
454
Ուրբաթ, 19 մայիսի, 2023 թ., 10:48

Էներգետիկ անվտանգության հարցերով փորձագետ Վահե Դավթյանը ֆեյսբուքյան իր էջում գրել է. «Երեկ Հոլանդիայի Ռոտերդամ նավահանգստում առգրավվել է 1 տոննա կոկաին։
Ինչպես պարզվել է, թմրանյութով բեռնված կոնտեյները Հոլանդիա էր եկել Թուրքիայից և այնուհետև պետք է ուղևորվեր Հարավային Ամերիկա։
Չգիտեմ, կստացվի Թուրքիային ձևավորել գազային հաբ, թե ոչ, բայց թմրանյութային հաբն արդեն գործում է։ Ընդ որում՝ մի քանի ուղղություններով. Մերձավոր Արևելք, Աֆրիկա, Ռուսաստան, Ամերիկա։
Ուզենք, թե չունենք, բայց օրերս Հայաստան ուղևորվող 2,7 տոննա կոկաինի առգրավումն Իտալիայում պետք է դիտարկենք վերոշարադրյալի լույսի ներքո։
Դեռևս որևէ եզրակացություն չեմ կարող անել, թեև իրադարձությունների տրամաբանությունն ընդհանուր առմամբ պարզ է»:

Աղբյուրը`   Վահե Դավթյան

Կարդացե՛ք նաև