Իրաքում արգելել են դոլարը

Իրաքն արգելել է գործարքները ամերիկյան արժույթով, ինչ նպատակով էլ որ դրանք իրականացվեն, հայտնում է Haber7-ը։

Նշվում է, որ Իրաքի կառավարությունն արգելել է դոլարի օգտագործումն ինչպես մասնավոր, այնպես էլ կոմերցիոն գործարքներում։ Այժմ հնարավոր չէ գնել և վաճառել արտարժույթ:

Նշվում է, որ ցանկացած անձ, ով գործարքներ կկատարի իրաքյան դինարից բացի այլ արժույթներով, կտուգանվի։ Կրկնվող խախտումները պատժվում են ազատազրկմամբ: Ուստի արժույթի առևտրականներից կպահանջվի գրավոր պարտավորություն ստանձնել, որում խոստանում են գործարքներ կատարել միայն դինարով: