«Սա մղձավանջ է, հակազդե՛ք, ամեն գնով կանգնեցրե՛ք պատմության կործանարար ընթացքը». ԱՀ պատգամավորի կոչը

«Ընդամենը մի քանի տարի առաջ ամենավատ երազում չէինք կարող պատկերացնել, որ Արցախի խորհրդարանը ստիպված է լինելու գրեթե ամեն ամիս իր հայտարարություններով փորձել զսպել՝ Արցախը Ադրբեջանի կազմում դիտարկող հայաստանյան իշխանությունների հայտարարություններին ու դրա գործնական իրականացմանը միտված քայլերին. սա մղձավանձ է»,- ԱՀ արտահերթ նիստի ժամանակ ասաց Արցախի ԱԺ պատգամավոր Գեղամ Ստեփանյանը:

Այնուհետև, դիմելով ՀՀ քաղաքացիներին, ասաց . «ՀՀ իշխանությունների՝ 5 տարի շարունակվող աճպարարություններն ու մանիպուլյացիաները, սեփական ապիկարությունը, անհեռատես քայլերը միջազգային հանրության կամ նախկինների վրա բարդելու՝ չվերջացող զառանցանքները, մեզ ամեն օր տանում են դեպի կործանարար հետևանքներ»:

«Սիրելի՛ հայաստանցի քույրեր և եղբայրներ, ամեն գնով կանգնեցրե՛ք պատմության կործանարար ընթացքը, հակազդե՛ք ՀՀ իշխանությունների գործողություններին»,- կոչ արեց պատգամավորը: