««Վայլդբերիսը» էժան ապրանքներով մանր բիզնեսին է խփում, ի՞նչ օգուտ դրանից». պատգամավորը՝ Քերոբյանին

«Աբովյան քաղաքի մանրածախ առևտրով զբաղվող մի շարք աշխատողներ բողոքում են «Վայլդբերիս» կազմակերպության ծառայություններից, որ մարդիկ ավելի էժան պատվերներ են տալիս և ստանում են ավելի էժան գներով ապրանքներ: Դրա արդյունքով տուժում են մանրածախ առևտրով զբաղվող աշխատողները: Այդ կազմակերպությունը մանր բիզնեսին է խփում: Իրենց ասելով՝ այդ կազմակերպությունը հարկեր չի մուծում, ի՞նչ օգուտ դրանից»,- ԱԺ-Կառավարություն հարցուպատասխանի ժամանակ՝ դիմելով Էկոնոմիկայի նախարար Վահան Քերոբյանին, հարցրեց Կնյազ Հասանովը:

Նախարարը հակադարձեց՝ ասելով, որ վերջին եռամսյակի տվյաներով «Վայլբերիզ»-ը ՀՀ խոշոր հարկատուներից է: