Եվրոմիությունը հայտարարեց, որ այլևս կախված չէ Ռուսաստանից

Եվրոմիությունն այլևս կախված չէ ռուսական հանածո վառելիքից, հայտարարել է Եվրոհանձնաժողովի ներկայացուցիչ Թիմ Մաքֆին։ Այս մասին հայտնում է Deutsche Welle-ն։
Վերջին 12 ամիսների ընթացքում ԵՄ-ն ցույց է տվել, որ կարող է դիմակայել Ռուսաստանին և էներգիայի աղբյուրները որպես զենք կիրառելու՝ նրա փորձերին, ասել է նա։
«Ռուսաստանի ածխի ներկրումը ԵՄ դադարեցվել է, նավթի ներկրումը մի փոքր մասն է նրա, ինչ եղել է պատերազմից առաջ, և ռուսական գազը արագորեն անհետանում է ԵՄ շուկայից»,- ասել է Մաքֆին:
Օրինակ, ռուսական խողովակաշարով գազի մատակարարումները պատմականորեն կազմում էին ԵՄ ներմուծման մոտ 45-50 տոկոսը մինչև Ուկրաինա Ռուսաստանի լայնամասշտաբ ներխուժումը: 2023 թվականի մարտին այդ ցուցանիշը նվազել է մինչև 8 տոկոս։
Եվրոհանձնաժողովի ներկայացուցիչը բացատրել է, որ դա հնարավոր է դարձել երեք գործոնի շնորհիվ. առաջինն աշխատելն է վստահելի մատակարարների հետ, որոնցից ԵՄ երկրները 2022 թվականին գնել են 70 միլիարդ խորանարդ մետր ավել գազ։ Հիմնական արտահանողները ԱՄՆ-ն ու Նորվեգիան են, մինչդեռ Եվրոհանձնաժողովի ջանքերը այլընտրանքային գործընկերներ գտնելու ուղղությամբ շարունակվում են։
Երկրորդ որոշիչ գործոնը Եվրոմիության քաղաքացիների և բիզնեսի հավաքական ջանքերն էին էներգիայի խնայողության համար: Էներգետիկ ճգնաժամի սկզբում Եվրոհանձնաժողովն առաջարկել է գազի սպառումը նվազեցնել 15 տոկոսով, սակայն արդյունքում այդ ցուցանիշը հասել է գրեթե 18 տոկոսի։
Երրորդ գործոնը վերականգնվող աղբյուրներից ստացվող էներգիան է. 2022 թվականին Եվրոմիությունը 16 տոկոսով ավելի շատ քամու և արևային էներգիա է արտադրել, քան մեկ տարի առաջ՝ ինչը փոխարինել է 11 միլիարդ խորանարդ մետր ռուսական գազին, ասել է Բրյուսելը: Այս ոլորտն ավելի զարգացնելու համար ԵՄ անդամ երկրներին հասանելի է 270 միլիարդ եվրոյի հիմնադրամը, որը ստեղծվել է՝ օգնելու նրանց լիովին հրաժարվել ռուսական էներգակիրներից:
Այժմ Եվրոմիությունում գազի պահեստարանները լցված են մինչև 66 տոկոսով, ինչը պատմական առավելագույնն է տարվա այս եղանակի համար, ընդգծել է Մաքֆին։ Բրյուսելի նպատակն է մինչև նոյեմբերի 1-ը հասնել 90 տոկոսի։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
30719.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
29219.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
163316.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
130615.11.2026, 19:19
Խաղողագործներին փող չեն տալիս․ «Հրապարակ»
75614.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
169413.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
76512.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
204210.11.2026, 19:37