«Այդպես կօգտագործվեն նաև Նիկոլի պատգամավորներն ու նախարարները». Հոխիկյան

Լրագրող Նաիրի Հոխիկյանի գրառումը. «Նիկոլը սովորություն ունի օգտագործել իր կողքի մարդկանց, հետո դեն շպրտել մեկանգամյա օգտագործման հայտնի իրի նման։ Այդպես օգտագործեց հայտնի շնիկին, նրա բերանով հայհոյեց իր համար անցանկալի մարդկանց, զզվելի ու այլասերված բառապաշարով, երբեմն Նիկոլին ու նրա շրջապատին հայհոյելով շեղեց ժողովրդի ուշադրությունը, հիմա արդեն ժամանակն է, որ դեն շպրտվի։
Դոգ կոչված կենդանուն հետախուզում են հայտարարել։ Հնարավոր է, բռնեն, ավելի հնարավոր է, որ չեն բռնի, բայց նա կկորի, էլ չի խոսի ու կանհետանա, քանի որ օգտագործվեց ինչքան պետք էր, ստացավ իր օգտագործման փողերը, հիմա արդեն պետք չի Նիկոլին։
Նույն ճակատագիրը Նիկոլի բոլոր սպասարկուներինն է, հատկապես քծնող դատավորներին, դատախազներին, քննիչներին, ոստիկանության և ուժային մյուս կառույցների քծնող ղեկավար աշխատողներին, ծախված քաղաքապետերին ու գյուղապետերին։
Եթե որևէ մեկին թվում է, թե օգտագործվելով, ուրանալով հայրենիք ու սրբություններ, փող է աշխատում ու տուն է պահում, չարաչար սխալվում է։ Անիծյալ է այն տունը, որը պահում են սրբապղծություններով, իսկ մարդկանց գլխին սարքելով, ապօրինի քրեական գործեր կարելով, ապօրինի դատավճիռներով ու մարդկանց հետապնդելով, պայմանավորված պատերազմով հազարավոր մարդկանց մահվան պատճառ դառնալով, տասնյակ հազարավոր մարդկանց անտուն թողնելով տուն պահելը Աստծո և Ազգի դատաստանին է արժանանալու։
Նիկոլի առաջ պատերի տակ վնգստացող բոլոր դատավորները, քննիչները, դատախազները և մյուս սրբապիղծ պաշտոնյաները հերթով կհայտնվեն կոյուղու մեջ, երբ Նիկոլը զգա, որ նրանց օգտագործել է իր ուզածի պես, արդեն պետք է փոխի, որ քաղաքական դեղատնից ուրիշներին օգտագործի։
Այդպես օգտագործվել ու կօգտագործվեն նաև Նիկոլի պատգամավորներն ու նախարարները։ Հետո մեր ձեռքով կդատվեն բոլորը' օգտագործվածներն ու օգտագործվողները։ Նիկոլից հետո պատասխան պետք է տան բոլորը, ովքեր Նիկոլի օրոք չհասկացան իրենց սխալն ու հետ չկանգնեցին դավաճանության ու այլասերման ճանապարհից»։