Արցախից արձագանքել են Ալիևի հայտարարություններին
![]() 1861 Երկուշաբթի, 29 մայիսի, 2023 թ., 14:42 Ընդամենը օրեր առաջ Արցախի Հանրապետության նախագահը Ադրբեջանի ժողովրդին ու իշխանություններին կոչ էր արել վերջ տալ Արցախի ժողովրդի հանդեպ ատելության ու ցեղասպանական քաղաքականությանը, իրապես ընդունել միջազգային իրավունքով ամրագրված ժողովուրդների իրավահավասարության սկզբունքը և Արցախի հանդեպ բնիկ հայ ժողովրդի տիտղոսն ու իրավունքները: «Արցախպրես»-ի հետ զրույցում այս մասին նշել է Արցախի Հանրապետության նախագահի մամուլի խոսնակ Լուսինե Ավանեսյանը՝ ի պատասխան նախօրեին Ալիևի արած հայտարարությանը: «Միաժամանակ նախագահ Հարությունյանը պատրաստակամություն է հայտնել սկսելու միջազգային ձևաչափով երկխոսություն՝ միջազգային իրավունքի նորմերի և սկզբունքների, հատկապես՝ ժողովուրդների իրավահավասարության և ինքնորոշման իրավունքի, ուժի և ուժի սպառնալիքի չկիրառման, վեճերի խաղաղ կարգավորման և տարածքային ամբողջականության սկզբունքների հիման վրա: Ադրբեջանը հրադադարի մասին եռակողմ հայտարարությունից հետո առաջին անգամ չէ Արցախի ժողովրդի հետ սպառնալիքի լեզվով խոսում, մենք տեսել ենք և տեսնում ենք ագրեսիվության դրսևորումներ՝ տեղական մարտական գործողությունների, շրջափակման, էներգետիկ և այլ ճնշումների ձևով: Դրանց այս անգամ Ադրբեջանի նախագահը ավելացրել է Արցախի ժողովրդի ընտրված իշխանությունների վերաբերյալ ապօրինի պահանջները: Նախագահն ու Ազգային ժողովը կրում են Արցախի ժողովրդի առաջնային մանդատը՝ ընտրված ժողովրդավարական սկզբունքներով և Արցախի Հանրապետության Սահմանադրության հիման վրա: Իսկ Ադրբեջանի նախագահը քաջ գիտակցում է, որ Արցախի սուբյեկտայնության գլխավոր աղբյուրը հենց այդ պետական ինստիտուտներն են, և, փաստորեն, այդպիսի պահանջներով նա ճանաչում է այդ ինստիտուտների լեգիտիմությունն ու կարևորությունը: Հարավային Կովկասում տևական խաղաղություն ապահովելուն միտված միջազգային ակտիվ ջանքերին զուգահեռ՝ Արցախի ժողովրդին ու պետականությանն ուղղված Ադրբեջանի նախագահի հերթական սպառնալիքները նպատակ ունեն հարվածի տակ դնելու այդ ջանքերի արդյունավետության հեռանկարը: Եվս մեկ անգամ ընդգծելով, որ Ադրբեջանը չի հարգում միջազգային որևէ սկզբունք և պարտավորություն՝ նախագահ Հարությունյանը վերահաստատում է մայիսի 23-ի իր ուղերձի դրույթները՝ ուղղված եռակողմ հայտարարության կողմերին և ՄԱԿ-ի Անվտանգության խորհրդին»,- ասել է Լուսինե Ավանեսյանը: Հիշեցնենք՝ Ադրբեջանի նախագահ Ալիևը հայտարարել էր, թե «Ղարաբաղի հայերին մնում է մեկ ճանապարհ՝ աղբարկղը նետել կեղծ «պետական ատրիբուտները», լուծարել խորհրդարանը և ենթարկվել Ադրբեջանի օրենքներին»: |
Շրջանառության մեջ է դրվել «Բռնության ճանապարհով պետական իշխանությանը տիրանալու անթույլատրելիության» մասին նախագիծ
7015:48Սանկտ Պետերբուրգում ձերբակալվել է շինարարական խոշոր ընկերության ադրբեջանցի տնօրենը (տեսանյութ)
11115:32«Նիկոլ Փաշինյանն ահաբեկում է ՀԷՑ-ի աշխատակիցներին»․ Մենուա Սողոմոնյան
9215:24«Առանց հոկտեմբերի 27-ի լիարժեք բացահայտման, ՀՀ անկախությունն ու ինքնիշխանությունը շարունակում է վտանգված մնալ»․ ԵԿՄ
10115:18«Պուտին-Մակրոն զրույցը տեղի է ունեցել ֆրանսիական կողմի նախաձեռնությամբ». Պեսկով
10215:08«Ի՞նչ կաներ ընդդիմադիր Նիկոլը, եթե Սերժը սպառնար»․ Գրիգոր Երիցյան
13014:12«ՌԴ-ն բոլոր միջոցներով կպաշտպանի իր քաղաքացիների շահերը Ադրբեջանում». Պեսկով
16114:02«Նիկոլ Փաշինյանը մահու չափ վախենում է Սամվել Կարապետյանից»․ Հայկ Մամիջանյան (տեսանյութ)
12513:24