«Նախկինում դեպք է եղել՝ սաունայի բացմանը նախագահ է գնացել լենտ կտրելու». Գևորգ Պապոյան

«Կարող ա մեր սխալն էլ ա, որ լենտեր կտրելուց վարչապետը բոլոր դեպքերում չի գնում: Ես հիշում եմ՝ նախկինում սաունայի կամ ռեստորանի բացմանը նախագահները գնում էին, բայց հիմա 100 կիլոմետրանոց ճանապարհի բացմանը.... ես էլ եմ առաջարկել պարոն վարչապետին, որ հաճախ գնա: Նորից եմ ասում՝ ես հիշում եմ՝ դեպք է եղել, որ սաունայի բացմանը նախագահ է գնացել՝ լենտ կտրելու»,- ԱԺ հանձնաժողովների համատեղ նիստում ընթացող քննարկման ժամանակ հայտարարեց ՔՊ-ական Գևորգ Պապոյանը: Ընդդիմադիր խմբակցության պատգամավոր Արթուր Խաչատրյանը խնդրեց հնչեցնել սաունայի անունը: «Գովազդ կլինի»,- ասաց Պապոյանը: