Ուրբաթ, 29 մարտի, 2024 թ.
|
Ստեփանակերտում`   +15 °C

Վարչապետի աշխատակազմը՝ մեկ անձից գնումների մեծ սիրահար. «Ժողովուրդ»

Վարչապետի աշխատակազմը՝ մեկ անձից գնումների մեծ սիրահար. «Ժողովուրդ»
339
Հինգշաբթի, 08 հունիսի, 2023 թ., 09:06

«Ժողովուրդ» օրաթերթը գրում է. «Մեկ անձից գնումներ կատարելու հարցում վարչապետի աշխատակազմը հետ չի մնում մյուս կառույցներից: Սա նշանակում է, որ առանց մրցույթի իրենց ցանկալի ընկերությունից գնումներ են անում գործադիր մարմնում:
Համենայնդեպս, դա են վկայում պաշտոնական տվյալները: Օրինակ՝ Փաշինյանի ղեկավարած կառույցի աշխատակազմը 200 հազար դրամի պայմանագիր է կնքել՝ սննդի մատուցման և սպասարկման ծառայությունների համար: Պաշտոնական տվյալներից պարզեցինք, որ մեկ այլ պայմանագրով էլ «Վինո Վինո» ՍՊԸ-ից 70 հազար դրամով 3 հատ «Նաիրի» կոնյակ են գնել գործադիրում:
Վարչապետի աշխատակազմը նաև 97 հազար դրամ է ծախսել և, ընկերություններից մեկի հետ պայմանագրի հիման վրա, ձեռք է բերել չիր, սուրճ, կոնֆետներ, անձեռոցիկներ: Հարցն այստեղ ամենեւին էլ գումարը չէ, այլ երևույթը:

Այսինքն՝ այն գործելաոճը, ինչ նախկինում մերժում էր Նիկոլ Փաշինյանը, ԱԺ ամբիոնից քննադատում, հիմա նրա աշխատակազմը մեծ հաճույքով իրականացնում է»:

Մանրամասները՝ թերթի համարում: