Սպիտակ տունը հայտնել է Ուկրաինային տրամադրվելիք օգնության նոր փաթեթների մասին

ԱՄՆ-ն շուտով ռազմական օգնության նոր փաթեթներ կհատկացնի Ուկրաինային։ Այս մասին ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

«Կարծում եմ, որ շատ շուտով դուք կտեսնեք (ռազմական - խմբ.) օգնության լրացուցիչ փաթեթներ ԱՄՆ-ից»,- ասել է Քիրբին։

Հունիսի 9-ին Փենթագոնում հայտարարվեց ԱՄՆ-ի օգնության վերջին փաթեթի մասին: Այս օգնության փաթեթը գնահատվել է 2,1 միլիարդ դոլար։ Այն ներառում է «ՀՕՊ-ի կարևորագույն սարքավորումներ և զինամթերք»: Զենքերը ներառում են HAWK հակաօդային պաշտպանության համակարգեր, Puma անօդաչու համակարգեր և լազերային կառավարվող հրթիռային զինամթերք և արկեր: