Ադրբեջանի և Իրանի միջև սառույցն սկսում է հալվել

Ադրբեջանի և Իրանի միջև հակամարտությունը, որը բռնկվել էր անցյալ տարվա կեսերին և քիչ էր մնում վերածվեր զինված առճակատման, աստիճանաբար մարում է։ Այս պահին կողմերը քննարկում են Թեհրանում Ադրբեջանի դեսպանատան աշխատանքի վերսկսման, ինչպես նաև երկկողմ առևտրի հարցերը, գրում է ադրբեջանական «Հաքին»-ը:

Հիշեցնենք, որ անցյալ շաբաթ, երկար ընդմիջումից հետո, տեղի ունեցավ հեռախոսազրույց Ադրբեջանի և Իրանի արտգործնախարարների միջև, որի ընթացքում քննարկվեցին երկու երկրների միջև լարվածությունը թուլացնելու, ինչպես նաև դիվանագիտական ​​հարաբերությունների վերականգնման ուղիները։