«Ձեռագիրը կարծես նույնն է, Բաքուն շարունակում է փոքր լոկալ խնդիրներ ստեղծել». ՊՆ փոխնախարար

«Չեմ կարող ասել լայնածավալ գործողությունների է վերածվելու, բայց որ սա չի նպաստում բանակցային գործընթացին և բացասական հետևանքներ է առաջացնում, և վնասում այդ գործընթացին, դա ակներև է: Որպես կանոն, նմանատիպ դեպքերում, որոշակի էսկալցիայի համար հող նախապատրաստելուց հետո ձեռագիրը կարծես նույնն է, և նորից շարունակում են փոքր լոկալ խնդիրներ ստեղծել»,- ԱԺ ճեպազրույցում ասաց ՊՆ փոխնախարար Արման Սարգսյանը՝ անդրադառնալով Երասխի ուղղությամբ ադրբեջանական ագրեսիվ գործողություններին:

«Ոչ միայն ՊՆ-ն, այլև ԱԳՆ-ն ու մյուս շահագրգիռ պետական մարմիններն արձագանքում են, անընդհատ տեղեկատվություն տրամադրելով ու տեղեկության վերլուծությամբ ակնհայտ կդառնա՝ որն է իրական նպատակը։ Նպատակը լարվածություն ստեղծելն է»,- ասաց

փոխնախարարը՝ նշելով, որևէ հատվածում առաջխաղացում տեղի չի ունեցել: