Միացյալ Նահանգները հայտարարել է Ուկրաինային օգնության նոր «հզոր փաթեթի» մասին

ԱՄՆ-ի պետքարտուղար Էնթոնի Բլինքենը չորեքշաբթի օրը՝ հունիսի 21-ին, Լոնդոնում Ուկրաինայի վերակառուցման համաժողովում կհայտարարի Կիևին ԱՄՆ-ի ռազմական օգնության նոր փաթեթի մասին։ Այս մասին նա ասել է Մեծ Բրիտանիայի արտգործնախարար Ջեյմս Քլիվերլիի հետ համատեղ մամուլի ասուլիսում, հայտնում է Reuters-ը։

«Նախագահ Բայդենն ասել է, որ մենք Ուկրաինայի հետ կլինենք այնքան ժամանակ, որքան դա կպահանջվի, և մեր երկու երկրներն էլ խորապես հավատարիմ են դրան… Մենք կշարունակենք կատարել այդ պարտավորությունը, այդ թվում՝ ԱՄՆ-ի նոր, հզոր օգնության միջոցով, որի մասին ես կարող եմ հայտարարել վաղը»,- ասել է Պետդեպարտամենտի ղեկավարը։

Հունիսի 21-22-ը Լոնդոնում տեղի կունենա Ուկրաինայի վերականգնման համաժողովը, որտեղ ավելի քան 60 երկրներից ավելի քան 1000 օտարերկրյա պաշտոնյաներ, ինչպես նաև բիզնես առաջնորդներ և համաշխարհային ներդրողներ կքննարկեն Ուկրաինայի վերականգնմանն օգնելու ուղիները: