Չորեքշաբթի, 07 հոկտեմբերի, 2026 թ.
|
Ստեփանակերտում`   +15 °C

«1 տոննա ծիրանի դիմաց գյուղացին ստացել է ընդամենը 30 000 դրամ». ԱԺ պատգամավոր

«1 տոննա ծիրանի դիմաց գյուղացին ստացել է ընդամենը 30 000 դրամ». ԱԺ պատգամավոր
5844
Ուրբաթ, 30 հունիսի, 2023 թ., 12:54

ԱԺ «Հայաստան» խմբակցության պատգամավոր Գառնիկ Դանիելյանը գրառում է կատարել ֆեյսբուքյան իր էջում. ««Սպասում ենք, որ ծիրանը թափվի, 30-40 դրամով մթերենք»‎․ ինձ հետ զրույցներում իրենց մտահոգությունները հայտնեցին գյուղացիները։
Նրանցից մեկն ասաց, որ 1 տոննա ծիրանի դիմաց ստացել է ընդամենը 30․000 դրամ։
Վերջերս բարձրաձայնել էի, որ ծիրանը փչանում է Վերին Լարսի անցակետում բեռնատարների կուտակումների և մանրամասն զննման պատճառով։
Շատ հաճախ ծխախոտի ապօրինի արտահանման փորձերի արդյունքում տուժում են ծիրան արտահանողները։
Ինչ վերաբերում է գյուղատնտեսական շուկաներում ծիրանի վաճառքին, գյուղացիները հայտնում են, որ գյուղից շարժվող 1 ավտոբուսը կարող է տանել 500-600 կգ ծիրան, մինչդեռ, իրենք ունեն մի քանի տոննա ծիրան մթերելու խնդիր։
Անելանելի իրավիճակում հայտնվելով՝ մարդիկ թողնում են, որպեսզի ծիրանը թափվի, այնուհետև չնչին գնով վաճառում են՝ պահածոյացման նպատակով»:

Աղբյուրը`   Գառնիկ Դանիելյան