Զելենսկին պատժամիջոցներ է սահմանել 190 ֆիզիկական և 290 իրավաբանական անձանց նկատմամբ

4799

Շաբաթ, 01 հուլիսի, 2023 թ., 17:42

Ուկրաինայի նախագահ Վլադիմիր Զելենսկին հրամանագիր է ստորագրել՝ ավելի քան 190 ֆիզիկական և 290 իրավաբանական անձանց նկատմամբ 10 տարի ժամկետով պատժամիջոցներ սահմանելու մասին, որոնց թվում գերակշռում են Ռուսաստանի քաղաքացիները։

Սահմանափակումները վերաբերում են ինքնաթիռների և ինժեներական արդյունաբերության ձեռնարկությունների ղեկավարներին, ինչպես նաև գիտատեխնիկական կազմակերպություններին (Lobaev Arms, Алмаз, Атлант, Магнетон, Сапфир, Тяжмаш, ГАЗ, Рубин)։

Իրավաբանական անձանց ցանկում ներառված են ընկերություններ նաև Բելառուսից, Վրաստանից և Ղազախստանից։ Սահմանափակումների տակ է հայտնվել նաև վրացական Georgian Airways ավիաընկերությունը, որը վերսկսել է թռիչքները դեպի Ռուսաստան: