«Նիկոլի վերջը ես գիտեմ՝ որն է լինելու». Աննա Մկրտչյան

ԱԺ «Պատիվ ունեմ» խմբակցության պատգամավոր Աննա Մկրտչյանը «Ռեվյու» հաղորդման եթերում նշել է, որ թեպետ Նիկոլ Փաշինյանը որևէ դեպքում չի հանձնի իշխանությունը, բայց շատ դեպքեր, ձևեր կան, որոնց օբյեկտիվ գոյությունը ստեղծելու պայմաններում Փաշինյանը հայ հասարակական, քաղաքական տիրույթում այլևս չի հայտնվի. «Մեր փրկությունը, գոյատևումը մեր հասարակության ուսերին է: Ես վստահ եմ, որ այս իրավիճակը երկար տևել չի կարող. չարի, դավաճանների վերջը մի օր հաստատ գալու է. դրա մեջ պետք է ունենանք մեր բաժին պատասխանատվությունն ու գործողությունները.... Նիկոլի վերջը ես գիտեմ՝ որն է լինելու, մենք բոլորս էլ մեր հոգու խորքում գիտենք, թե դա որն է լինելու»,- ասել է պատգամավորը: