«Օսկանյանի առաջարկները կապիտուլյանտները չեն ընդունի». Բաբայան

Ռեֆորմիստների կուսակցության նախագահ Վահան Բաբայանը ֆեյսբուքյան իր էջում գրել է. «Օսկանյանի առաջարկի ընդունումը կփլուզի Նիկոլի իշխանությունը ներսից, դրա համար Օսկանյանին մեղմ ասած կմերժեն:

Եթե շարժվենք Վարդան Օսկանյանի տրամաբանությամբ, երբ իշխանությունները ստիպված վստահեն նախկին ԱԳ նախարարին և նրան տան բանակցելու լիազորություն այն էլ մի խումբ դիվանգետների հետ միասին, ապա էլ ո՞ւմն է պետք իրենց իշխանությունը, եթե նրանք ընդունեն, որ անկարող են բանակցել:

Երկրորդը, ո՞նց կարող է Փաշինյանը չխոսել, սպասել Օսկանյանի գործողություններին, դա անհնար է: Դա կբերի Փաշինյանի իշխանության փլուզմանը, իսկ իրենք ամեն գնով պետք է պահեն իրենց իշխանությունը:
Հետևաբար պարոն Օսկանյանի առաջարկները ինչքան էլ լավը լինեն և հետաքրքիր, միևնույնն է, կապիտուլյանտները դա չեն ընդունի որևէ ձևով և որևէ դեպքում:

Եվ երրորդը, նրա առաջարկները ֆունդամենտալ տարբերվում են այսօրվա ռեժիմի բանակցային տրամաբանությունից, ինչը ևս մեկ անգամ առիթ է նրան մերժելու և չլսելու համար»: