Պուտինը հանդիպել է Պրիգոժինի հետ

«Վագների» ապստամբության փորձից 5 օր հետո՝ հուլիսի 29-ին, ՌԴ նախագահ Վլադիմիր Պուտինը Կրեմլում հանդիպել է ՌՄԿ-ի ղեկավարության հետ, այդ թվում՝ Պրիգոժինի, այս մասին լրագրողների հետ զրույցում հայտնել է ՌԴ նախագահի մամուլի քարտուղար Դմիտրի Պեսկովը, գրում է РИА Новости-ն։ Հանդիպումը տևել է մոտ 3 ժամ:
Պեսկովի խոսքով՝ Պուտինն իր գնահատականն է տվել հունիսի 24-ի իրադարձություններին, լսել հրամանատարների բացատրությունները, առաջարկել աշխատանքի հետագա տարբերակներ. «Նրանք ընդգծել են, որ պետության ղեկավարի հավատարիմ կողմնակիցներն ու զինվորներն են»,- ասել է Կրեմլի խոսնակը՝ հանդիպման վերաբերյալ այլ մանրամասներ չհայտնելով։

Հարցին՝ հանդիպմանը ներկա եղե՞լ են Պաշտպանության նախարարության ներկայացուցիչներ, Պեսկովը պատասխանել է՝ «ավելացնելու ոչինչ չունի»։