«Ոռոգման սեզոնը սկսվում է, արդեն ջուր չկա». Արթուր Խաչատրյան

1753

Չորեքշաբթի, 12 հուլիսի, 2023 թ., 11:30

«Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու նախագծի քննարկման ժամանակ քիչ առաջ ելույթ ունեցավ ընդդիմադիր խմբակցության պատգամավոր Արթուր Խաչատրյանը:

Հիշեցնենք՝ առաջարկվում է Սևանա լճից ջրառի՝ 170 մլն խորանարդ մետր չափաքանակն ավելացնել մինչև 240 մլն խորանարդ մետր՝ պայմանավորված եղանակային պայմաններով:

«Սխալ ուղով է Կառավարությունը գնում: Նախորդ նիստում ես հարց ուղղեցի՝ ինչքա՞ն ջուր է բաց թողնվել մինչև ոռոգման սեզոնը, պատասխան չստացա, որովհետև ոռոգման սեզոնը սկսում է, արդեն ջուր չկա... Կառավարությունը որերորդ անգամ ձախողում է ջրամբարաշինությունը, էլի գալու եք, ասեք՝ բա ի՞նչ անենք, ջուր չտանք, բերք չի լինի: Սենց չի կարելի»,- հայտարարեց Արթուր Խաչատրյանը: