«Փաշինյանը փոշիացրեց ամենը՝ իր դիվանագիտական անհմտությամբ. բայց ամեն ինչ դեռ հնարավոր է փոխել». Վարդան Օսկանյան

«Իմ առաջարկությունը հարցի լուծմանը չի վերաբերել: Ես առաջարկել եմ լիազորություն ունենալու դեպքում կտրուկ փոփոխություն մտցնել բանակցությունների ընթացքում, փոխել օրակարգը՝ դրանցում ներառելով հայամետ դիրքորոշումներ»,- իր ֆեյսբուքյան էջի ուղիղ եթերում ասաց ՀՀ նախկին արտգործնախարար Վարդան Օսկանյանը:

Իմ նախարարության շրջանում ես կարողացել եմ բանակցային տրամաբանություն փոխել ղարաբաղյան հարցի շուրջ: Լիսաբոնյան տրամաբանությունից, որտեղ 50-ից ավելի երկրներ 1996-ին հայտարարել էին, որ Լեռնային Ղարաբաղի հարցը պետք է լուծվի Ադրբեջանի տարածքային ամբողջականության շրջանակներում, այդ տրամաբանությունից բերել-հասցրել եմ նրան, որ միջազգային հանրությունը, մինջնորդները, եկել են այն եզրահանգման, որ ԼՂ հարցը պետք է լուծվի ԼՂ ինքնորոշման հիման վրա՝ հանրահավաքով:
...Փաշինյանն ուղղակի փոշիացրեց այդ ամենը՝ իր դիվանագիտական անհմտությամբ, հակասական հայտարարություններով: Այսօր ունենք բանակցային մի այնպիսի նարատիվ, որ վերջնական լուծում է տվել, որ Արցախը բոլորի մտքում ամրագրվել է՝ որպես Ադրբեջանի մաս: Սա հնարավոր է դեռ փոխել, ես այս ճանապարհը անցել եմ»,- ասաց նա: