«Որոշ վրանասերներ սկսել են պետականությունը քանդելու գործընթացը». Հայկ Խանումյան

418

Հինգշաբթի, 20 հուլիսի, 2023 թ., 02:06

ԱՀ տարածքային ու ենթակառուցվածքների նախկին նախարար Հայկ Խանումյանի գրառումը. «1992թ․ ամռան այս օրերը Արցախի պատմության ամենածանր օրերն էին։ Կորցրել էինք Շահումյանը, Մարտակերտի մեծ մասը, Հադրութի, Ասկերանի որոշ գյուղեր, հուսալքությունն ամենուր էր, ժողովուրդն ու զորքը՝ բարոյալքված։ ԼՂԻՄ տարածքի գրեթե կեսը կորցրել էինք։ Միջնորդները խոսում էին, որ այդպես գնա, ապա շուտով խնդրի առարկան՝ Լեռնային Ղարաբաղը, կվերանա։ Այնուամենայնիվ կամքը, հստակ ծրագիրն ու գաղափարը բերեցին կազմակերպման ու հաղթանակի։ Դասալքությանը, վախկոտությանը, կոտրվածությանը, հուսահատությանը փոխարինելու եկավ կարգապահությունը, քաջությունը, ամրությունը, պետականությունը։ Հետո չհավատացինք մեր հաղթանակին ու պետականությանը, սկսեցինք նեղ անձնական հարաբերություններ կառուցել՝ հիմնված փողի, քծնանքի, վախի, ստորության վրա։ Դա բերեց ծանր պարտության 2020թ․ պատերազմի ընթացքում։ Իսկ հիմա որոշ վրանասերներ սկսել են պետականությունը քանդելու գործընթացը։ Քանզի նրանք պատրաստ են զոհել պետականությունը հանուն իրենց ստորության ու շահամոլության։ Ժամանակն է, որպեսզի այս ստորներին և շահամոլներին հեռացնենք՝ հանուն պետականության։ Հստակ ծրագիրը, գաղափարը, կամքը կրկին պետք է հաղթանակեն»:

Աղբյուրը` Հայկ Խանումյան