«Առաջիկայում պետք է կոնկրետացնենք սահմանագծման աշխատանքների քարտեզագրական հիմքը». վարչապետ

«Բրյուսելում հանդիպման ժամանակ քննարկված հարցերից էր Հայաստանի և Ադրբեջանի կողմից միմյանց 29 800 և 86 600 քկմ տարածքային ամբողջականությունը ճանաչելու վերահաստատումը»,- կառավարության նիստում հայտարարեց ՀՀ վարչապետ Նիկոլ Փաշինյանը:

«Սահմանների դելիմիտացիան պետք է տեղի ունենա 1991 թվականի Ալմաթիի հռչակագրի հիման վրա և առաջիկայում պետք է մենք կոնկրետացնենք սահմանագծման աշխատանքների քարտեզագրական հիմքը»,-նշեց նա՝ հավելելով, որ տարածաշրջանային կոմունիկացիաների բացումը պետք է տեղի ունենա կողմերի ինքիշխանության, իրավազորության և հավասարության սկզբունքի հիման վրա։