Արցախի ԱԺ նախագահի ուղերձի հիմնական շեշտադրումները ՀՀ ԱԳՆ-ում մշակված թեզեր էին. «Փաստ»

«Փաստ» օրաթերթը գրում է. «Երեկ Արցախի Հանրապետության ԱԺ նախագահ Արթուր Թովմասյանն ուղերձով դիմել է ՄԱԿ-ի մշտական անդամ երկրների ղեկավարներին։ Ի դեպ, ուղերձում բավական տարօրինակ (մեղմ ասած) ձևակերպումներ կային, որոնք հայաստանյան հանրային տիրույթում կոշտ քննարկման ու քննադատության արժանացան։ Հրապարակված տեքստում ասվում էր, թե «Ադրբեջանը բազմազգ երկիր է, հազարամյակներ շարունակ մենք ապրել ենք կողք կողքի, այսօր էլ պատրաստ ենք մեր հարևանների հետ ապրել «հավասարը՝ հավասարի» սկզբունքով»:

Օրաթերթի տեղեկություններով, Արցախի ԱԺ նախագահի ուղերձի հիմնական շեշտադրումները ՀՀ ԱԳՆ-ում մշակված թեզեր էին: Ավելին, մենք դեռևս նախօրեին տեղեկություն էինք ստացել, որ տարբեր տեքստեր են պատրաստվում ուղարկել Արցախի իշխանություններին, որոնցում ներառված են Նիկոլ Փաշինյանի իշխանության կողմից տիրաժավորվող թեզեր, որոնք աստիճանաբար պետք է հրապարակ նետվեն»:

Մանրամասն՝ թերթի այսօրվա համարում