«Արցախկաթը» փակման եզրին է

1412

Շաբաթ, 29 հուլիսի, 2023 թ., 21:36

Ադրբեջանի կողմից Արցախի Հանրապետության ապօրինի շրջափակումը լուրջ խնդիրներ է առաջացրել նաև կաթնամթերքի շուկայում: Արցախի Հանրային հեռուստաընկերության հաղորդմամբ, կաթ արտադրող ընկերություններն ահազանգում են, որ հումքի և նյութերի պակաս ունեն: Վառելիքի բացակայության պատճառով ընկերությունը չի կարողանում կաթը արտադրամաս, արտադրանքն էլ՝ խանութներ հասցնել:Օգոստոսի 1-ից կաթնամթերքը կիրացնեն միայն տեղում՝ ֆիրմային խանութում: Իսկ իրավիճակն այսպես շարունակվելու դեպքում ընկերությունը հնարավոր է լրիվությամբ դադարեցնի գործունեությունը:

Ադրբեջանական պաշարման հետևանքով «Արցախկաթ» ընկերությունը հումքի և նյութերի պակաս ունի, ինչի հետևանքով 80 տոկոսվ նվազել են արտադրական հնարավորությունները։ Տարաների սղության պատճառով ընկերությունը տեղում տարաների ընդունում է կազմակերպում։

Մանրամասն՝ հեռուստաընկերության տեսանյութում։