Նիգերի ապստամբներին վերջնագիր է ներկայացվել

Նիգերի զինվորականները, որոնք երկրում ապստամբություն են կազմակերպել, մեկ շաբաթ ունեն նախագահ Մուհամմեդ Բազումին ազատելու և սահմանադրական կարգը վերականգնելու համար, ասել է Արևմտյան Աֆրիկայի երկրների տնտեսական համայնքի ղեկավար Օմար Ալե Տուրեն։ Հակառակ դեպքում կազմակերպությունն ստիպված կլինի ռազմական միջոցներ կիրառել։
«Այն դեպքում, երբ իշխանությունների պահանջները չկատարվեն մեկ շաբաթվա ընթացքում, ձեռնարկեք բոլոր անհրաժեշտ միջոցները սահմանադրական կարգը վերականգնելու համար... Նման միջոցները կարող են ներառել ուժի կիրառում»,- ասել է համայնքի ղեկավարը։

Կազմակերպությունը սառեցրել է ապստամբների, նրանց ընտանիքների և աջակիցների ակտիվները։ Բացի այդ, մտցվել է ճանապարհորդության արգելք, դադարեցվել են երկրի հետ բոլոր առևտրային և ֆինանսական գործարքները, փակվել են սահմանները և չեղարկվել թռիչքները։

Ավելի վաղ նիգերիացի զինվորականները հայտարարել էին Բազումին գահընկեց անելու մասին։