Իսրայելական նավը ճեղքել է ռուսական շրջափակումը

Իսրայելական նավն առաջինն է ճեղքել ռուսական զորքերի հացահատիկային շրջափակումը Սև ծովում։ Չնայած Ռուսաստանի Դաշնության սպառնալիքներին, «Ams1»-ն արդեն մտնում է Դանուբի ուկրաինական վտակ: Հուլիսի 25-ին Ռենի նավահանգստի ռմբակոծությունից հետո այս նավն առաջինը ճեղքեց ՌԴ ԶՈւ ծովային շրջափակումը։
Ըստ ուկրաինական լրատվամիջոցների՝ նավն իր նավարկությունն սկսել է իսրայելական Աշդոդ նավահանգստից և բացահայտ նշել իր նպատակակետը՝ Ուկրաինա։ Այնուհետև նավը հատել է Սև ծովը ուղիղ ճանապարհով։

Մյուս նավերը՝ «Sahin 2»-ը և «Yilmaz Kaptan»-ը, որոնց ծագումը նշված է՝ որպես Հունաստան և Թուրքիա/Վրաստան, ըստ տեղեկությունների հետևում են իսրայելական նավի օրինակին և պատրաստվում են խարսխվել Դանուբի վրա:

Նրանց անվտանգությունն ապահովում է ամերիկյան P8 Poseidon հակասուզանավային ինքնաթիռը, որը վերալիցքավորվում է Ռումինիայի օդային տարածքում։

Նավերի տեղաշարժի վերաբերյալ լրացուցիչ տեղեկություն է տրամադրում Forte12 RQ-4 հետախուզական անօդաչու թռչող սարքը։

Ավելի վաղ հաղորդվել էր, որ Ուկրաինան համաձայնել է Խորվաթիայի հետ օգտագործել Դանուբի խորվաթական նավահանգիստները՝ ուկրաինական հացահատիկ արտահանելու համար, հայտարարել է Ուկրաինայի արտգործնախարար Դմիտրի Կուլեբան Զագրեբից իր գործընկեր Գորդան Գրլիչ Ռադմանի հետ հանդիպման ժամանակ։