Էրդողանը մտադիր է Պուտինին առաջարկել՝ դադարեցնել կրակը Ուկրաինայում

Թուրքիայի նախագահ Ռեջեփ Թայիփ Էրդողանն իր ռուս գործընկեր Վլադիմիր Պուտինի հետ պլանավորված բանակցություններում մտադիր է առաջարկել՝ վերսկսել Ուկրաինայի հարցով խաղաղ բանակցությունները. «ՌԻԱ Նովոստի»-ին հայտնել է Թուրքիայի ղեկավարի վարչակազմի աղբյուրը։

«Թայիփ Էրդողանը կառաջարկի իր միջնորդությունը հակամարտությունը կարգավորելու հարցում՝ կրկնելով այն թեզը, որ պատերազմում հաղթողներ չեն լինելու, խաղաղ գործընթացում՝ պարտվողներ»,- ասել է աղբյուրը։

Գործակալության զրուցակցի խոսքով՝ Անկարան կողմ է հրադադարին և բանակցությունների մեկնարկին։