«Մայր Հայաստան» շարժումը մասնակցելու է Երևանի ավագանու ընտրություններին

«Մայր Հայաստան» շարժումը որոշել է մասնակցել Երևանի ավագանու ընտրություններին, որը «դիտարկում է որպես ամբողջական իշխանափոխության և երկիրն այս վիճակից դուրս բերելու հնարավորություն»։ Այդ կապակցությամբ շարժման համակարգող Անդրանիկ Թևանյանը տեսաուղերձ է հղել «Մայր Հայաստան» արձանի մոտից, որում ասում է. «Մեզ համար անընդունելի է Նիկոլ Փաշինյանի վարած ոչ լեգիտիմ քաղաքականությունը, որը սպառնալիք է Հայաստանի և Արցախի համար։ Մենք չենք ընդունում Արցախն Ադրբեջանի կազմում և ուզում ենք կանխել Հայաստանի գահավիժումը։ Համոզված եմ, որ անվտանգ և ուժեղ երկիր կառուցելու հնարավորությունն ունենք»։