«Մեծ խելք պետք չէր՝ հասկանալու համար, թե ինչ «փաստարկներ» է բերելու Ադրբեջանը». Գ. Բաղդասարյան

Ստեփանակերտի մամուլի ակումբի նախագահ Գեղամ Բաղդասարյանը ֆեյսբուքյան իր էջում գրել է. «ՄԱԿ ԱԽ նիստում Հայաստանի արտգործնախարարի ելույթում հիմնախնդիրը հիմնականում հումանիտար տեսանկյունից էր ներկայացվում։ Ու զուրկ էր քաղաքական փաստարկներից, ինչը չի նշանակում, թե նման փաստարկներ չկան։ Կան, զորեղ փաստարկներ կան։ Պարզապես մոտեցման ու դիրքորոշման խնդիր կա։ Քաղաքական կամքի խնդիր կա։
Մեկ այլ խնդրի մասին։ Մեծ խելք պետք չէր՝ հասկանալու համար, թե ինչ փաստարկներ է բերելու ադրբեջանական կողմը։ Ու կարելի էր օգտվել առաջինը ելույթ ունենալու հնարավորությունից ու էն գլխից չեզոքացնել դրանց զգալի մասը»։