Սուրովիկինն աշխատանքից հեռացվել է

Գեներալ Սերգեյ Սուրովիկինը ազատվել է Ռուսաստանի ռազմա-տիեզերական ուժերի հրամանատարի պաշտոնից, ասել է լրագրող Ալեքսեյ Վենեդիկտովը, վկայակոչելով Ռուսաստանի Դաշնության պաշտպանության նախարարության որոշումը: Այս տեղեկատվության պաշտոնական հաստատում չկա:

«ՀՐԱՄԱՆ՝ Սուրովիկինին Ռուսաստանի Պաշտպանության նախարարության օդուժի հրամանատարությունից հեռացնել, թողնել Պաշտպանության նախարարության տրամադրության տակ»,- գրել է լրագրողը:

Ռուսաստանի Պաշտպանության նախարարությունը դեռ չի մեկնաբանել այս տեղեկատվությունը:

Ավելի վաղ հայտնել էինք, որ գեներալ Սուրովիկինին հարցաքննում են: