«Ադրբեջանական դիրքերից մեկը ոչնչացված է». Անդրանիկ Թևանյանը` Վարդենիսի տարածաշրջանից

Մեր զինված ուժերը բավական մեծ հակահարված են տվել ադրբեջանցիներին, ադրբեջանական դիրքերից մեկը ոչնչացված է։ Այս մասին ֆեյսբուքյան իր էջի ուղիղ եթերում հայտարարել է Երևանի ավագանու ընտրություններում «Մայր Հայաստան» դաշինքի քաղաքապետի թեկնածու Անդրանիկ Թևանյանը։

Ավելի ուշ նա ուղիղ եթերով հանդես է եկել նաև Սոթքից: «Գևորգ Գևորգյանի հետ գտնվում եմ Սոթքում: Գյուղում լարվածություն, բայց միևնույն ժամանակ հանգստություն կա: Իրականում խաղաղության օրակարգը պատերազմի, պարտության ու զոհերի օրակարգ է: Իրական խաղաղության օրակարգը լինելու է միայն ներքին փոփոխությունների հասնելուց հետո»,- նշեց նա: Գևորգ Գևորգյանն էլ նշեց, որ այս պատերազմը հաղթելու համար շատ քիչ ժամանակ ունենք ու նախ և առաջ պետք է հեռացնել այս իշխանություններին: