«Քաղաքական գործիչներին ասում եք` 2 տարի առաջ դուք է՛ս էք ասել, հիմա է՛ս եք ասում». Ալեն Սիմոնյանը դժգոհեց

«Իրողությունները տեղում չեն կանգնում և հաճախ իրականությունը տեղում փոխվում է: Երբ քաղաքական գործիչներին ասում եք՝ 2 տարի առաջ դուք էս էք ասել, հիմա էս եք ասում: Իրողությունները փոխվում են, նոր բաներ են ի հայտ գալի»,- Երևանի բակերում քարոզարշավ իրականացնելիս հայտարարեց ԱԺ նախագահ Ալեն Սիմոնյանը:

Լրագրողի դիտարկմանը, որ 2021 թվականին ՔՊ-ի նախընտրական ծրագրում օկուպացված տարածքների դեօկուպացիա էիք խոստանում և Արցախի ինքնորոշման հարցում ինքնորոշման իրավունքի բարձրացում, հիմա ինչու նշաձողը իջեցրիք, Սիմոնյանը պատասխանեց. «Որովհետև տեղի են ունենում բանակցություններ: Վարչապետն էլ հաճախ ասում է, որ պետք է նաև հնչեն Ադրբեջանի կողմից այն հայտարարությունները, որոնք որ դեէսկալացիա կանեն և կբերեն խաղաղության պայմանագրի կնքման ավելի հավանական ու ավելի կմոտեցնեն բանը... Հայաստանն իր կողմից դա անում է հայտարարությունների պահով և միևնույն ժամանակ իր սահմանը փորձում է մինչև վերջ պաշտպանել»: