Մարզպետն օր օրի հարստանում է. Դավթաշենում տուն է գնել. «Ժողովուրդ»
![]() 1220 Հինգշաբթի, 07 սեպտեմբերի, 2023 թ., 09:30 «Ժողովուրդ» օրաթերթը գրում է. «Տավուշի մարզպետ Հայկ Ղալումյանը պաշտոնի նշանակվել է 2021 թվականին։ Ինչպես գիտենք, Նիկոլ Փաշինյանի աշխատելաոճի մեջ է մտնում իշխանության բերել նրանց, ում ինքը հեշտ կղեկավարի և, վարչապետ լինելուց բացի, խամաճիկի պես կպարեցնի տարբեր դերերում: Հենց այս պատճառով էլ նախկինում ՀՀ աշխատանքի և սոցիալական հարցերի նախարարության ՀՀ աշխատանքի պետական տեսչության Տավուշի մարզի տարածքային կենտրոնի առաջատար մասնագետ Ղալումյանին Փաշինյանն ընտրեց՝ որպես մարզպետ։ Ղալումյանը, ըստ 2022 թվականի հաշվետու տարվա հայտարարագրի, հայտարարագրել է միանձնյա սեփականությամբ մեկ հողամաս և բնակարան բազմաբնակարան շենքում, որոնք եղել են նվիրատվություններ 2008 թվականին Իջևան քաղաքում։ Միանձնյա սեփականությամբ մի բնակարան էլ հայտարարագրել է 2001 թվականին, սակայն ձեռք բերման եղանակը հստակ նշված չէ։ Ղալումյանը 2010 թվականին Գանձաքարում գնել է արտադրական նշանակության շինություն՝ համատեղ սեփականությամբ։ 2022 թվականին մարզպետը բնակարան է ձեռք բերել Երեւանի Դավթաշեն վարչական շրջանում, որն արժե 18 մլն 150 հազար դրամ. բնակարանը ձեռք է բերվել հիփոթեքով «Լավ-Սար» ՍՊԸ-ից։ Իսկ նախկինում ունեցած բնակարաններից մեկը վաճառել է 13 մլն 100 հազարով Ջանիկ Խառատյանին եւ Աննա Սարիբեկյանին։ 2021 թվականին նա գնել է նոր մեքենա՝ 2007 թվականի արտադրության, Mitsubishi մակնիշի։ Նրա բաժնային արժեթղթերը եւ այլ ներդրումները կազմել են 1 մլն 313 հազար դրամ, բանկային հաշիվների մնացորդները կազմել են 7 մլն 351 հազար դրամ, կանխիկ դրամական միջոցները՝ 13 մլն 100 հազար և 15 հազար դոլար։ Մարզպետ Ղալումյանը տարեկան ստացել է 28 մլն 623 հազար դրամ եկամուտ, որից 12 մլն 879 հազարը աշխատանքի վարձատրություն է Տավուշի մարզի պետական կառավարման հիմնարկից, նա ՀՀ ֆինանսների նախարարությունից ստացել է 1 մլն 606 հազար դրամ գումար՝ բնակարանի հիփոթեքը մարելու համար։ Նա վարկի մարմանն ուղղել է 2 մլն 163 հազար դրամ։ Հիշեցնենք նաեւ, որ իշխանության գալով՝ ՔՊ-ականները բացառում էին քավոր-սանիկ, խնամի-ծանոթ-բարեկամ կապով աշխատանքի ընդունումը: Անցան տարիներ,և բոլոր պաշտոններում խնամիներ են, քավոր-սանիկներ են, ինչպես Ղալումյանի դեպքում։ Հայկ Ղալումյանը, Նիկոլ Փաշինյանի հետ ունենալով քավորսանիկական կապ, դարձավ մարզպետ, իսկ եղբայրը մտավ Ազգային ժողով և դարձավ ՔՊ-ին պետք եկած ժամանակ պաշտպանող մունետիկ-պատգամավոր»: Մանրամասները՝ թերթի համարում: |
Իշխանության համար հարկերի հավաքումն ավելի օրակարգային է, քան Ցեղասպանության ճանաչումը. «Ժողովուրդ»
251Երեկ, 09:00Կյանքը թանկանում է. գնաճի պատկերը՝ ըստ պաշտոնական թվերի. «Ժողովուրդ»
39009.05.2025, 09:12«ՀՀ-ն կմիանա Իրանի, Օմանի, Կատարի, Թուրքմենստանի, Ուզբեկստանի միջև միջանցքին». Փույա Հոսսեինի (լուսանկար)
41609.05.2025, 01:12ԱՄՆ-ն կրճատում է Չինաստանից ներմուծման մաքսատուրքերը
90909.05.2025, 00:28«Հնդկաստանն արգելել է Ադրբեջանից ապրանքների ներմուծումը»․ Պակիստանի դեսպան
84808.05.2025, 16:06«Կարկուտի վնասների փոխհատուցման ի՞նչ քայլեր են ձեռնարկվում»․ Գառնիկ Դանիելյանը՝ Գևորգ Պապոյանին (տեսանյութ)
49207.05.2025, 13:30ՍԱՏՄ նախկին ղեկավարը կալանավորվել է
50306.05.2025, 19:42«Զեղծարարության զոհ դարձած մարդկանց վարկերը սառեցված են». Մարտին Գալստյան (տեսանյութ)
44406.05.2025, 18:30