«Ո՞վ է մեղավոր, որ դեռ խանութ չմտած, ուզում ենք դուրս գալ». բնակիչներ

«Վայլդբերրիզ»-ը ոչնչացնում է Հայաստանի տնտեսությունը. հենց այս կարգախոսով մի խումբ տնտեսվարողներ սկսեցին իրենց բողոքի ակցիան կառավարության շենքի մոտ: «Stop Wildberries Armenia» նախաձեռնության անդամների պայքարը սկսվեց ֆեյսբուքյան հարթակից, մի խումբ տնտեսվարողներ սկսեցին ակտիվ գրառումներ անել, հետո էլ համախմբվեցին և նախաձեռնեցին բողոքի ցույցեր կառավարության շենքի մոտ։

«Այս ամենը կհանգեցնի արտագաղթի, քանի որ շատ տնտեսվարողներ մի քանի ամիս հետո արդեն խնդիրներ են ունենալու բանկերի և շատ այլ կառույցների հետ: Մեր խանութներում գիտեք՝ ինչ է կատարվում. դպրոցական իրերը չեն կարողացել վաճառել, և ներկա պահին մարդիկ ստիպված վաճառում են կա՛մ ինքնարժեքով կա՛մ այնպիսի զեղչերով, որ կարողանան գումար հավաքել ու փախնել»,- ասում է նախաձեռնության անդամ Արման Թումասյանը:

Սպառողներից Մարին ավելի շատ դժգոհում է սպասարկումից, հետո նոր թանկ վաճառելուց.

«Ո՞վ է մեղավոր, որ գնում են, ապրանք են բերում Թուրքիայից, Չինաստանից և մեկին տասը վաճառում, ո՞վ է մեղավոր, որ դեռ խանութ չմտած՝ ուզում ենք դուրս գալ, հոգնել ենք թե՛ իրենց սպասարկումից, թե՛ մունաթ դեմքերից, թե՛ խոսելու տոնից...»:

Ներկայացնում է «Ժողովուրդ»-ը: