Շուկայի խայտառակ վիճակն ու Կոտոլյանի ունեցվածքը. «Ժողովուրդ»
![]() 860 Ուրբաթ, 15 սեպտեմբերի, 2023 թ., 09:12 «Ժողովուրդ» օրաթերթը գրում է. «Հայաստանում ապրանքաշրջանառության և շուկայի քաոսային վիճակը, ըստ տնտեսագետների, համապատասխան մարմինների անգործության հետևանք է։ Հենց այդ մարմիններից մեկը՝ Շուկայի վերահսկողության տեսչական մարմինը, ղեկավարում է Արմեն Կոտոլյանը։ Հայկական շուկայի նվազ վաճառքի պատճառով և 20-30 տնտեսվարողի շնորհիվ փակվեց Wildberries-ի՝ ռուսական տարբերակով պատվերների հնարավորությունը։ Կոտոլյանը, որպես թանկարժեք իր, որի արժեքը 4 միլիոն է կամ գերազանցում է դրան, հայտարարագրել է ժամացույց, որը ժառանգություն է, իսկ արժեքը նշված չէ։ Բանկային հաշիվների մնացորդները կազմել են 1 մլն 826 հազար դրամ, կանխիկ դրամական միջոցները՝ 5 մլն դրամ։ Արմեն Կոտոլյանի՝ հաշվետու տարվա եկամուտները կազմել են 24 մլն 836 հազար դրամ։ Տարեկան եկամուտներից 13 մլն 669 հազար դրամը աշխատանքի վարձատրություն է ՀՀ վարչապետի աշխատակազմից, իսկ 612 հազարը աշխատանքի վարձատրություն է Երևանի քաղաքապետարանից, 388 հազար դրամը՝ որպես այլ եկամուտ՝ ՀՀ պետական կառավարման ակադեմիայից, 445 հազարը ՀՀ պետական եկամուտների կոմիտեից է՝ որպես եկամտահարկի վերադարձ։ Ստացված վարկերի և փոխառությունների մայր գումարի մնացորդը կազմում է 9 մլն 883 հազար դրամ։ Կոտոլյանի՝ վարկի մարմանն ուղղված վճարները կազմել են 6 մլն 831 հազար դրամ, իսկ անշարժ գույքի վերանորոգմանը հատկացրել է 10 մլն 200 հազար դրամ։ «Քաղաքացիական պայմանագիր» կուսակցության անդամ Կոտոլյանի հետ համատեղ բնակվող Ռուզաննա Կոտոլյանը հայտարարագրել է 1 հողամաս, 1 հողին ամրակցված անշարժ գույք, որոնք համատեղ սեփականությամբ ձեռք է բերել 2021 թվականին, և 1 միանձնյա սեփականությամբ բնակարան։ Նրա բանկային հաշիվների մնացորդները կազմել են 297 հազար դրամ, իսկ տարեկան եկամուտը՝ 3 մլն 550 հազար դրամ, որից 2 մլն 550 հազարը աշխատանքի վարձատրություն է «Հարավկովկասյան երկաթուղի» ՓԲԸ-ից (որտեղ Արմեն Կոտոլյանը նախկինում աշխատել է որպես առաջատար ինժեներ), իսկ 178 հազար դրամը Ռուսաստանից ստացված կենսաթոշակային ֆոնդն է»։ |
«Արցախում մեկ այլ կարևոր խնդիր կա»․ Տիգրան Աբրահամյան
82516.09.2023, 16:30«Փաշինյանն էս պատկերին ի՞նչ կասի». Սևակ Հակոբյան
93415.09.2023, 12:24Շուկայի խայտառակ վիճակն ու Կոտոլյանի ունեցվածքը. «Ժողովուրդ»
85915.09.2023, 09:12ԱՄՆ-ն պատժամիջոցներ է սահմանել «Մոսկվիչ»-ի և «ԱվտոՎԱԶ»-ի նկատմամբ
239514.09.2023, 18:54«Ո՞վ է մեղավոր, որ դեռ խանութ չմտած, ուզում ենք դուրս գալ». բնակիչներ (տեսանյութ)
66014.09.2023, 10:42«Wildberries-ից այնքան դժգոհեցին՝ դա էլ հարամեցին». Նարինե Կիրակոսյան
85713.09.2023, 16:12Պուտինի ելույթը՝ ուղիղ միացմամբ (տեսանյութ)
240612.09.2023, 10:42Ինտերնետն անջատում-միացնում են՝ ապրանքը 50 տոկոսով էժանանում է․ «Հրապարակ»
88312.09.2023, 09:48