«Ձեր թիմակիցների էջերում շարունակում են մնալ իմ լուսանկարները»․ հարձակման ենթարկված լրագրողը՝ Ավինյանին

«Ինչ վերաբերում է տարբեր հասցեներում տարբեր մարդկանց գրանցմանը, որևէ տրամաբանություն չկա՝ մեզ մեղադրելու․ վերջում կկարողանաք տեսնել՝ էդ մարդկանց քանի՞ տոկոսն է գնացել ընտրության։ Իմ տեղեկությամբ, ինչ-որ առքուվաճառքով զբաղվող խումբ է եղել ու մարդ, որ գրանցել է իրենց»,- քվեարկությունից հետո լրագրողների հետ ճեպազրույցում ասել է ՔՊ-ի քաղաքապետի թեկնածու Տիգրան Ավինյանը՝ անդրադառնալով համացանցում տարածված լուսանկարներին ու տեսանյութերին։ Խոսելով ՔՊ-ի երթի ժամանակ լրագրողի վրա հարձակման դեպքի մասին՝ նշել է․ «Ես դատապարտել եմ»։ Հարձակման ենթարկված լրագրող Անի Գևորգյանը նկատել է․ «Ձեր թիմակիցների էջերում շարունակում են մնալ իմ լուսանկարները, համապատասխան մարմիններն անգործության են մատնված, ինչո՞ւ դա չեք դատապարտում»։