«Պայքարելու բացառիկ ձիրքն է, որ մեզ թույլ է տվել դարեր շարունակ մաքառել ու հասնել այս օրեր». Կարեն Հովհաննիսյան

Ռազմական փորձագետ Կարեն Հովհաննիսյանն իր ֆեյսբուքյան էջում գրում է. «Երեք տարի շարունակ ամեն օր մենք մի հարված ենք ստանում, ամեն օր թևաթափ ենք լինում, մեռնում, հետո նորից թև առնում, հարություն առնում ու լծվում պայքարի գործին․․․
Թե չլիներ այդ, այսպես ասած, պնդաճակատությունը, հիմա, երևի, թե ձուլվել էինք աշխարհի շատ հին ազգերի պես ու անհետ կորել էինք․․․ Հենց մեր այս պայքարելու բացառիկ ձիրքն է, որ մեզ թույլ է տվել դարեր շարունակ մաքառել ու հասնել այս օրեր․․․ Միայն մի բան եմ ուզում, որ այս արհավիրքը մեզ իմաստություն բերի, խելք բերի, որ վերջ ի վերջո թայֆայության վերջը տանք, վերջ ի վերջո խելքներս գլուխներս հավաքենք և հզորանանք․․․ Դեռ ազատագրելու շատ Հայրենիք ունենք, այնպես որ մեզ հզորանալ է պետք հիմա»: