«Մարության Հայկի նման «այլընտրանքը» փոշիացրեց ընդդիմության ձայները». Բաբկեն Հարությունյան

«Հայրենիք» կուսակցության անդամ Բաբկեն Հարությունյանի գրառումը․ «Արձանագրենք. Ընդդիմության անմիասնականության կամ ավելի պարզ ասած՝ պառակտվածության հետևանքով ՔՊ-ն կրկին վերցրեց Երևանի իշխանությունը։ Այս ընտրությանն առանձին մասնակցելը կամ չմասնակցելը ևս մեկ փաստ է, որ հիմնական ընդդիմադիր ուժերի մեջ չկա բավարար չափով միասնականություն, ավելին՝ կան խորը տարաձայնություններ։ Տեսանք, թե հիմնական ընդդիմադիր ուժերից միակ մասնակցածը որքան ձայն ստացավ, տեսանք նաև չմասնակցածները ինչ դիրքերում հայտնվեցին։ Հետևաբար, հասարակության հետ պետք է ազնիվ լինել և խոսել նաև դրա պատճառների մասին, քանի դա տեղի չի ունենում, Մարության Հայկի նման «այլընտրանքները» գալու են, փոշիացնեն ընդդիմության ձայները և նպաստեն իշխանության վերարտադրությանը։
Չնայած, ցանկացած ծանր իրավիճակում կարելի է հայտարարել մարզեր այցելելու մասին, իսկ ավելի ծանր դեպքերում՝ պանելային քննարկումների շարք սկսելու համար համահայկական և համաշխարհային կոմիտե ձևավորել, բայց արդյունքում էլի հին տներում էլ հնարավոր չի լինելու մնալ...
Քաղաքի կառավարման մեջ փայը քիչ համարողները այսուհետ կամ Ավինյանի մոտ ավագանի կունենան, կամ դա էլ չեն ունենա։
Նիկոլի ԱԺ-ում հարմարվողը Ավինյանի ավագանիում կհարմարվի ու կհարմարվի»: