ՑԱԽԱԼ-ը հայտնել է ՀԱՄԱՍ-ի էլիտար ուժերի ուղղությամբ հարվածների մասին

Իսրայելի պաշտպանության բանակը (ՑԱԽԱԼ) գիշերվա ընթացքում մի շարք հարվածներ է հասցրել ՀԱՄԱՍ-ի «Նուխբա» էլիտար ստորաբաժանման ուղղությամբ՝ խոցելով օպերատիվ հրամանատարական կենտրոններ:

««Նուխբա» էլիտար ստորաբաժանումը բաղկացած է ահաբեկիչներից, որոնք ընտրվել են ՀԱՄԱՍ-ի բարձրաստիճան ներկայացուցիչների կողմից և իրականացնում են ահաբեկչական հարձակումներ»,- ասվում է Իսրայելի բանակի հաղորդագրության մեջ:

Բացի այդ, ավիացիան ոչնչացրել է ՀԱՄԱՍ-ի բարձրաստիճան զինյալներից Մուհամմադ Աբու Շամլուին, որի տունն օգտագործվել է զենք պահելու համար: