«Պարզվում է` ԼՂ-ում ռուս խաղաղապահներն աշխատում են որպես Ադրբեջանի ոստիկանության միլիցիոներներ». Կ. Հեքիմյան

Պահպանողական կուսակցության նախագահ Կարեն Հեքիմյանի ֆեյսբուքյան գրառումը. «Պարզվում է՝ Լեռնային Ղարաբաղում ռուս խաղաղապահներն աշխատում են որպես Ադրբեջանի ոստիկանության...միլիցիոներներ:
Ամեն օր ՌԴ ՊՆ-ն հանդես է գալիս Լեռնային Ղարաբաղի վերաբերյալ հայտարարությամբ: Օրինակ՝ երեկվա հայտարարության մեջ ասվում է, որ «Բաքվի հետ շարունակական փոխգործակցությունը պահպանվում է՝ ուղղված արյունահեղության կանխմանը, անվտանգության ապահովմանը և խաղաղ բնակչության նկատմամբ մարդասիրական իրավունքի պահպանմանը»: Միաժամանակ նշվում է, որ «ռուսական խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել»:
Փաստորեն, սրանք «Բաքվի հետ շարունակական փոխգործակցությամբ» ապահովում են «հրադադարի ռեժիմի պահպանումը»:
Սակայն, եթե Լեռնային Ղարաբաղում հայեր չկան, ապա ՌԴ ՊՆ հայտարարությունները նշանակում են, որ ռուս խաղաղապահներն այժմ իրականացնում են Ադրբեջանի ներքին գործառույթներ, այլ կերպ՝ դարձել են Ադրբեջանի ոստիկանության ստորաբաժանումներից մեկը՝ միլիցիան»: