«Անպայման ձեր բաջանաղ-մաջանաղի՞ն պիտի արձան կանգնելու պատվերը տաք». Դավիթ Գյուլզադյան

Լեզվաբան Դավիթ Գյուլզադյանը ֆեյսբուքյան իր էջում գրել է. «Քանի օր է՝ Վիկտոր Համբարձումյանի «արձանի» մասին է աղաղակում դիմամատյանը: Երեկ իմացա, որ իմ հայրենի քաղաքում՝ Վանաձորում է այն: Եթե պետք էր ինչ-որ բանով առանձնանալ մյուս քաղաքներից և առաջին տեղում լինել, պարտադի՞ր էր, որ դա անճաշակությունը լիներ: Այս ի՞նչ եք անում, ձեր հե՛րն եմ անիծել: Վանաձորից Գյումրի հեռավորությունը 60 կմ է: Արվե՞ստ եք ուզում ստեղծել, գործուղում ձևակերպեք, համ էլ լավ առիթ է, դրանից էլ «փող կքերեք», բայց գոնե հասեք, մի քիչ շրջեք այնտեղ, տեսե՛ք, սովորե՛ք՝ ինչպես են արվեստ ստեղծում: Անպայման ձեր բաջանաղ-մաջանաղի՞ն պիտի արձան կանգնելու պատվերը տաք: Փաստորեն դուք գետինը մտնելու հատկություն չունե՞ք»: