Ադրբեջանի ԱԳՆ-ն Ֆրանսիայի մշակույթի նախարարին կոչ է արել «զերծ մնալ սադրիչ հայտարարություններից»

Ադրբեջանի Արտաքին գործերի նախարարությունն արձագանքել է այս օրերին Հայաստանում գնտվող՝ Ֆրանսիայի մշակույթի նախարարի խոսքերին։

«Կոչ ենք անում Ռիմա Աբդուլ Մալաքին զերծ մնալ սադրիչ հայտարարություններից։ Մենք գնահատում և պաշտպանում ենք Ադրբեջանի մշակութային ժառանգությունը»,- ասված է Ադրբեջանի ԱԳՆ-ի տարածած հայտարարության մեջ:

Ավելի վաղ հայտնել էինք, որ Ֆրանսիայի մշակույթի նախարարը նշել էր, որ Ֆրանսիան ունի Արցախի մշակութային ժառանգության արբանյակային լուսանկարների տվյալների բազա, ըստ որի հստակ է, որ բազմաթիվ հուշարձաններ վնասվել են: