«Ինտերնետ հասանելիությունը ռազմավարական խնդիր է». Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Քանի որ այսօր ինտերնետ հասանելիության խնդիրները շոշափելի էին, սա առիթ էր մտածելու նաև ինտերնետ կապուղիների դիվերսիֆիկացման խնդրի մասին։ Վրաստանի տարածքով ՀՀ մտնող ինտերնետ մալուխները և Վրաստանից Հայաստան մտնող ինտերնետ պրովայդերի՝ «Caucasus Online» ինտերնետ–պրովայդերի մագիստրալային կապուղու բաժնետոմսերի 49%–ն 2020 թվականին վաճառվել է ադրբեջանական կազմակերպության։
Այս առումով կարևոր է հասկանալ, թե ինչպիսի հնարավորություններ կան, այդ թվում Հայաստանը նաև որպես տարանցիկ երկիր դարձնելու համար, որովհետև սա ռազմավարական ոլորտ է, որի անգամ մեկ ժամ խաթարման դեպքում կսկսվի լիակատար արգելակում ողջ պետական ու մասնավոր հատվածում»։